ryðvörn

..alla nýja bíla ber að ryðverja!

Af hverju ryðverja?

Ef þú vilt að nýi bíllinn þinn endist lengi þá skaltu láta ryðverja hann strax þegar þú kaupir hann nýjan, enda þótt kostnaðurinn sé smávægileg viðbót við verðið. Ryðvörn skilar sér síðarmeir í rekstri bílsins og ekki síst þegar hann er seldur.

Fyrsta ryðvörnin er sú mikilvægasta. Hún innsiglar og ver þá staði sem ekki voru ryðvarðir af verksmiðjunni. Því hefur verið haldið mjög á lofti undanfarin mörg ár að nýryðvörn sé óþörf og jafnvel til vansa. Nóg sé að ryðverja þegar ryð verður sýnilegt. Þessari kenningu hafna FDM og Teknologisk Institut. Jörgen Jörgensen tæknistjóri FDM  segir að bílar séu vissulega mis ryðsæknir auk þess sem notkun bílsins og hvernig og hvar honum er ekið ráði einnig nokkru. Þetta ber að hafa í huga við endurryðvörn bílsins.

Góð ryðvörn í upphafi lengir líf yfirbyggingar, undirvagns og hemlaröra. Góð ryðvörn í upphafi og eðlileg endurnýjun hennar skilar betri og öruggari bíl, lægri viðhaldskostnaði og hærra endursöluverði. Sérstaklega er nauðsynlegt að ryðverja strax ódýrustu bílana því framleiðendur þeirra leggja litla sem enga áherslu á ryðvörn í framleiðslunni.

Kostir ryðvarnar

1.  Láttu ryðverja nýja bílinn strax og ekki síðar en innan mánaðar frá þvi þú keyptir hann. Það er auðveldara að fyrirbyggja ryðmyndun en stöðva hana eftir að hún er komin af stað. Allir bíla þola að vera ryðvarðir.
2.  Það skiptir máli hvernig og í hvað bíllinn er notaður og það segir einnig til um hversu oft skal endurnýja ryðvörnina.
3.  FDM og Teknologisk Institut Danmerkur ráðleggja bíleigendum að fá óvilhallan aðila til að meta hvenær þörf er á að ryðverja.

Ending

Ein algengasta athugasemdin við söluskoðun á notuðum bílum er sú að undirvagninn sé farinn að ryðga. Þetta dregur mjög úr endursöluverði bílanna. Fagmannleg og regluleg ryðvörn er mikilvæg fyrir endingu bílsins en haustin eru sá árstími þegar flestir láta ryðverja bílinn sinn.

„Við erum með mikla seltu og sérstakar aðstæður á götum hér yfir vetrartímann, sem verja þarf bílinn fyrir,“ segir Baldur Jónsson hjá Bílahöllinni-Bílaryðvörn þar sem fara saman mikil þekking á ryðvörn og bestu fáanlegu ryðvarnarefnin.

„Við notum hágæða ryðvarnarefni sem heitir Dinitrol. Til að ryðverja undirvagn þarf þrjár til fjórar gerðir af efnum eftir því hvar er borið á. Inn í öll lokuð hólf fer til dæmis fituvaxefni sem er alltaf lifandi. Það þýðir hins vegar lítið að setja slíkt efni undir botninn þar sem mesta álagið er því það skolast of fljótt í burtu; þar þarf að vinna með sterkara efni sem helst á, þekur botninn í heild sinni og veitir líka hljóðeinangrun,“ segir Baldur.

Hafðu samband

Bjallaðu á okkur í síma:

587 1390

Bílaryðvörn hf., Bíldshöfða 5, 110 Reykjavík